Міжнародны дзень роднай мовы ў дзіцячым садку прайшоў ярка і насычана

21 лютага ў свеце адзначаецца Міжнародны дзень роднай мовы. У дзіцячым садку гэты дзень заўсёды праходзіць насычана. З усіх куточкаў дашкольнай установы гучыць беларуская мова – прыгожая, ласкавая, меладычная. Праграма цікавых мерапрыемстваў ахоплівае дзяўчынак і хлопчыкаў усіх узроставых груп. Так было і сёння. З самага рання педагогі сустракалі выхаванцаў і іх бацькоў прывітаннем на роднай мове. Беларускія народныя гульні былі ўключаны ў розныя рэжымныя моманты. Так выхаванцы спецыяльнай групы для дзяцей з тяжкімі парушэннямі маўлення пачалi дзень з экскурсii ў куток нацыянальнай сiмволiкi, дзе праслухалi Дзяржауны гiмн Рэспублiкi Беларусь, успомнiлi значэнне сімвалаў. Да выхаванцаў  групы інтэграванага навучання і выхавання № 6 завітала лялька Ганначка, якая прынесла з сабой цікавыя заданні. Разам з лялькай выхаванцы замацавалі назвы прафесій на роднай мове, разглядалі альбомы з беларускімі рамёствамі,гулялі ў беларускія народныя гульні, слухалі беларускія народныя песні. Выхаванцы сярэдняй групы №1 з цікавасцю малявалі прыродны сімвал Рэспублікі Беларусь "васілёк”. Выхаванцы старэйшай групы №3 гутарылі пра Дзяржаўны сцяг Рэспублікі Беларусь як адзін з нацыянальных сімвалаў, пра значэнне колераў і арнаменту сцяга. Гэтак жа аб элементах Дзяржаўнага герба Рэспублікі Беларусь, які адлюстроўвае непаўторнасць і багацце культурных традыцый, побыту і прыроды беларусаў.