Фальклорнае свята "Гуканне вясны"

Скончылася доўгая зіма, а на змену ёй ідзе прыгажуня-вясна. Каб паскорыць яе прыход у дзіцячым садзе наладзілі народнае свята, якое носіць назву Гуканне вясны. Гэты беларускі звычай - адзін з самых жыццярадасных і аптымістычных.

Гуканне Вясны - старажытнае свята развітання з зімой і сустрэчы вясны. Хлопчыкі і дзяўчынкі заклікалі вясну хутчэй прыйсці. Усе радаваліся першаму вясноваму сонцу. Госці свята пазнаёмілі выхаванцаў з веснавымі звычаямі і павер’ямі.

Не заставіла Вясна-красна яе доўга чакаць, з падарункамі яна завітала: дзяўчынкам – па стужачцы, каб сталі танцаваць, а хлопчыкам – па дудачцы – каб сталі іграць. Дзяўчынкі і хлопчыкі ззагадзя падрыхтавалі папяровых птушачак, якія размясціліся на дрэвах вакол дзіцячага садка. 

Менавіта так вітаюць птушак, якія вяртаюцца на Радзіму з цёплых краін.

Падчас правядзення свята выхаванцы акунуліся ў атмасферу беларускага народнага каларыту, пазнаёміліся з народнымі традыцыямі, слухалі беларускую народную музыку.